Sekretari i përgjithshëm i OKB’së Ban Ki-moon ka zhvilluar një bisedë telefonike me presidentin rus, Vladimir Putin në lidhje me situatën në Ukrainë.
Putin ka kërkuar nga Ban Ki-moon që OKB’ të dënojë përdorimin e forcës nga autoritetet ukrainase.
“Pala ruse pret një dënim nga ana e Kombeve të Bashkuara dhe Bashkësisë Ndërkombëtare në drejtim të veprimeve anti-kushtetuese të Ukrainës”, ka njoftuar Kremlini zyrtar.
Zyra e sekretarit Ban Ki-moon ka thënë se në bisedën mes sekretarit dhe presidentit rus, është diskutuar rreth situatës së paqëndrueshme në Ukrainën lindore.