Një krim në familje ka ndodhur pasditen e djeshme në Tiranë, ku vëllai ka plagosur me thikë vëllain e tij binjak. Burimet zyrtare bëjnë me dije se ngjarja ka ndodhur në orën 15:00 të së hënës, në rrugën “Babë Rexha” në banesën e shtetasit A.M, 35 vjeç.
Fillimisht vëllezërit kanë shkëmbyer fjalë fyese me njëri-tjetrin dhe më pas situata ka degjeneruar në përleshje fizike. I dëmtuari ka përfunduar në spital prej plagës së marrë nga goditja me thikë. Dy orë më vonë Policia e Tiranës arrestoi në flagrancë autorin e dyshuar të ngjarjes, vëllain L.M., 35 vjeç, banues në Tiranë.