Adoleshenti-Obamës: Një ide si të kurseni 135 mln USD

Një adoleshent 14 vjeçar ka një ide fantastike. Ai ka zbuluar mënyrën se si qeveria amerikane mund të kursejë me miliona dollarë në një mënyrë shumë të thjeshtë. Savir i ka propozuar administratës Obama që të mos përdorin më fontin “Times New Roman” për dokumentet e tyre por të përdorin stilin “Garamond”. Historia e 14 vjeçarit është marrë dhe nga rrjeti televiziv CNN, dhe shpjegohet se ai ka bërë këtë zbulim teksa kryente një detyrë shkolle me temën se si mund të kursehej në buxhetin e shkollës së tij. Nga kërkimet e tij doli dhe zbulimi se harxhimi më i madh i bojës së printerit bëhej pikërisht nga përdorimi i fontit “Times New Roman”, gërmat e të cilit janë më shumë të theksuara se stilet e tjera, dhe më ekonomiku doli të jetë pikërisht stili “Garamond”. Shkolla e tij ka qenë e para që ka përfituar nga ky zbulim, duke kursyer 24 për qind të buxhetit që e përkthyer në dollarë shtë 21 mijë dollarë në vit. Shtetet e Bashkuara të Amerikës shpenzojnë në bojë printeri rreth 470 milionë dollarë në vit. 14 vjecari Savir ka bërë llogaritë se sa do të kursehej nga qeveria amerikane që çdo vit shpenzon rreth 467 milion dollarë, duke arritur një total prej 1.8 miliard dollarësh për shpenzimet e shtypit. Kursimi për 12 muajt e vitit do të ishte 135 milionë dollarë nëse zbulimi i tij do të vihej në praktikë, shifër që do të shkonte deri në 370 milionë dollarë nëse cdo shtet amerikan, nëpunësit e secilit prej tyre printojnë 7200 fletë për person cdo vit, do të përdirbun stilin e ri të shkrimit. Suvir, gjithashtu shton se boja e printerit në Shtetet e Bashkuara të Amerikës kushtin më shtrenjtë se një parfum francez. Chanel 5 kushton 38 dollarë, ndërsa po aq bojë printeri kushton deri në 75 dollarë.