Akuzat për ushtrinë, Topi: Të ikë kreu i SHISH

Kreu i Partisë “Fryma e Re Demokratike”, Bamir Topi ka zhvilluar dje një takim me strukturat në Belsh të Elbasanit. Në këtë takim është diskutuar në lidhje me situatën politike në vend dhe akuzave të Opozitës që qarkullojnë ditët e fundit sa i takon përfshirjes së Forcave të Armatosura Shqiptare në trafikun e lëndëve nartoktike. Sipas kreut të FRDsë, droga ka qarkulluar dhe vazhdon të qarkullojë në Shqipëri. “Lufta ndaj drogës duhet të ishte një nga sfidat më me rëndësi. Fqinjët vërtetojnë që nga Shqipëria kalojnë sasi të mëdha droge”, ka thënë gjatë fjalës së tij nga Belshi, Topi. Topi i ka cilësuar të rënda për parlamentin, akuzat e opozitës sa i ta kon çështjes së përfshirjes së qeverisë në trafikun e drogës. “Për ata që kanë drejtuar qeverinë dhe shtetin shqiptar, për institucionet shqiptare dhe aq më tepër që Shqipëria është një ndër 28 vendet anëtare të NAT OS, kjo është një gjëmë që po i bëjnë vendit tonë politikanët tanë, duke hedhur akuza të paprovuara”, ka shtuar më tej Topi. Sipas kreut të FRDsë, institucionet përkatëse dhe prokuroria duhet të veprojë për të zgjidhur çështjen. Sipas tij, roli i  SHISH, lë shumë për të dëshiruara në një moment kur në parlament hidhen akuza të përbindshme. “Ky shërbim është i paaftë dhe për këto arsye duhet të largohen nga detyra”, përfundon Topi.