Armina zhvishet, Zeni agjëron

E dashura e Shkëlzenit këtë javë përveç plazhit është marrë edhe me gazetarët. Shkrimet e fundit rreth saj nuk i kanë lënë shije të mirë dhe me sa duket ka gjetur momentin që të thoshte mendimin e saj rreth medias në përgjithësi dhe gazetarëve në veçanti. “Realisht diçka nuk kuptoj nga mediat e fundit. Të bëjnë “të zhveshur” kur je me rroba banjo në plazh? Çfarë pretendohet, të shkojmë në plazh me veshje të gjata apo mos të ekspozohemi në vende publike? Vajtja në plazh apo pishina nuk më bën ndryshe nga shumë familjare apo vajza të tjera të moshës sime. Nëse vërtet doni lajm, bëjeni për diçka që ia vlen të shkruhet, jo me tituj budallenj, e më pas të quani veten “gazetarë”,- shkruan Armina në Facebook. Një lloj të drejte e ka, s’mund të shkojë me benevrekë në plazh, por puna është te Zeni, mi Armina jo te ty. Zenua, si djali i babit ka ca kusure për të hequr. Pastaj, morëm vesh që Zenua po agjëron. Ti në plazh, ai në agjërim 🙂 Pranoje që është një miks i lezetshëm. Aq më tepër që Zenua, nuk e ka kaluar pa koment këtë moment të veçantë. “Në natën më të rëndësishme të vitit bashkoj lutjet e mia me ato të gjithë besimtarëve të tjerë për familjen, të dashurit dhe miqtë. Uroj që në paqen e mëshirën e kësaj nate, Zoti të dëgjojë dhe pranojë duatë tuaja duke dhënë mirësi për të gjithë”- shkruan Zeni. Jo më kot disa besimtarë (nga ata të vërtetët, jo ata që bëjnë gjasme) i shkruanin në FB: “E dashura në plazh, ky me Natën e Kadrit, ec e merre vesh…”