Një avokat është dënuar me dhjetë vjet burg në Britani për realizimin e martesave të emigrantëve të paligjshëm, në mënyrë që këtyre të fundit t’u garantohej leje qëndrimi atje. Sipas një gjykate në Lodnër, e cila dha vendimin, avokati britanik Tefik Suljemani ka mashtruar autoritetet duke realizuar rreth 2000 martesa për emigrantë të paligjshëm me qëllim për t’u siguruar atyre leje qëndrimi në Britani. E përditshmja britanike “Daily Mail” shkruan se nga ky aktivitet, Sulejmani kishte siguruar një fitim prej 20 milionë paundësh britanikë. Shumica e emigrantëve që përfitonin nga këto lidhje martesore ishin emigrantë të paligjshëm nga Shqipëria të një kategorie kriminelësh të rrezikshëm të dyshuar për vrasje, trafik droge dhe pastrim parash. Përfitues të tjerë ishin dhe nga vende të tjera kryesisht nga ish blloku sovjetik. Shumica e çifteve takoheshin ditën e dasmës dhe kishin madje nevojë dhe përkthyes për të marrë pjesë në këtë ceremoni.