“Babai dhe shoku im s’kanë lidhje”, 22-vjeçari pranon vrasjen e biznesmenit në Laç

“Vrasjen e kam bërë unë”, kështu është shprehur para hetuesëve të Kurbinit, Llej Lika, i cili akuzohet për ekzekutimin e biznesmenit Rakip Roli.

Gjatë marrjes së pyetje, Lika ka treguar se e gjitha kishte ndodhur për shkak të një sherri me djemtë e viktimës, të cilët të tre së bashku e kishin dhunuar barbarisht.

22-vjeçari, sipas gazetarit Ervis Hila, ka shtuar se me ngjarjen nuk ka aspak lidhje as babai i tij, Skëndër Lika dhe as miku i tyre që i kishte ndihmuar të fshiheshin, Klajdi Gjexhaj (Beleshi). Por edhe këta dy të fundit u arrestuan një ditë më parë për vrasjen e biznesmenit Rakik Roli në Sanxhak të Kurbinit.

 “Vrasjen e kam bërë unë. Djemtë e biznesmenit Rakip Roli më kanë dhunuar barbarisht në muajin korrik të këtij viti. Babai e shoku im nuk kanë asnjë lidhje me ngjarjen, vrasjen e bëra si shenjë hakmarrje”, ka bërë me dije ai në Polici.

Biznesmeni i materialieve të ndërtimit Rakip Roli, i njohur edhe si Pilot Roli, teksa po lëvizte me automjetin e tij luksoz Audi Q7.

Autorët i zunë pritë 55-vjeçarit dhe qëlluan me breshëri plumbash në drejtim të tij, sapo kishte dalë nga banesa dhe po lëvizte në drejtim të Mamurrasit duke i marrë jetën në vend. Babë e bir  u shpallën në kërkim menjëherë pas vrasjes së Rolit për shkak të konflikteve që kanë pasur më herët me të.

Skënder Lika është edhe vëllai i Myslym Likës, i cili mbeti i plagosur në Mamurras dhe xhaxhai i Ilir Likës që është në burg për vrasjen e biznesmenëve Paulin Gjergji dhe Bujar Lika.

j.l./ dita