Bllokimi i terminalit të naftës së Petrolifera, pas ndotjes së shkaktuar nga një anije ka bërë që kompania më e madhe eksportuese në vend, Bankers Petroleum të ndërpresë eksportet prej një jave, ndërsa mësohet se dje ka ndërprerë prodhimin.
Në vetë njoftimin që kompania ka dërguar, bën me dije se sot herët në mëngjes ka ndaluar përkohësisht prodhimin e naftës në Shqipëri, për shkak të ndërprerjes së aktivitetit të terminalit të Petroliferas Italo-Shqiptare në Vlorë.
“Pezullimi i terminalit të eksportit gjatë javës së kaluar ka çuar në një mungesë të magazinimit të naftës së papërpunuar brenda portit por edhe në fushën naftëmbajtëse të Patos-Marinzës.”- njofton Bankers sot.
Ndërsa sipas një njoftimi të Bankers Petroleum të shpërndarë ditën e djeshme, pezullimi i terminalit të eksportit ka çuar në një mungesë depozitimi të naftës së papërpunuar në Port, por gjithashtu dhe në fushën e Patos Marinzës.
Kompania pret që pezullimi të hiqet në ditët e ardhshme, duke i lejuar Bankers të rifillojë operacionet./Monitor