Drafti paraprak i listës me sanksione të tjera, që BE pritet të aplikojë në rast përshkallëzimi të situatës në Ukrainë, përfshin dhe qenin e Putin, Konin. Labradori i zi, i cili udhëton ngado së bashku me Putin, merr pjesë në të gjitha takimet diplomatike të tij.
Lista paraprake e formuluar përmban më shumë se 100 emra të zyrtarëve rusë, deputetë, biznesmenë dhe komandantë ushtarakë, pritet të aplikohet në varësi të përshkallëzimit të situatës.
Sipas burimeve të EUobserver, ndalimi i udhëtimit për Labradorin Koni do t’i çojë një mesazh të fortë liderit rus, se Unioni është i aftë të flasë me një zë të vetëm, në çështje me rëndësi ekzistenciale. Ndonëse BE, nuk ka vendosur më përpara kafshë shtëpiake në listë sanksionesh, ajo ka vendosur pjesëtarë të familjes, bazuar në Kapitullin V të traktatit të BE-së, i cili lejon vënien në listë të tyre në mënyrë për të ushtruar presion.
Labradori Koni ka një ndikim të veçantë tek lideri rus Putin, pasi siç dhe ka theksuar ai vetë, “ Koni ka një rol në politik-bërje. “Përpiqem të konsultoj qenin tim Koni dhe ajo më jep këshilla të mira”, – është shprehur Putin në një Konferencë për shtyp.