Berisha: Policia ushtroi terror ndaj protestuesve me urdhër të Ramës

Ish kryeministri shqiptar Sali Berisha, reagimin ndaj protestuesve për vdekjen e Kudret Kumes, i njohur si Ilia Kareli e ka quajtur terror policor.

Ish kreu demokrat, lidhur me  këtë ngjarje, ka reaguar në rrjetin social Facebook shkruan se “fallanga banditësh me unfiromë, me urdhër të Edi Ramës”, u vërsulën në mënyrë çnjerëzore ndaj protestuesve.

Tubimi i djeshëm i zhvilluar pranë Ambasadës Greke nga të rinjtë shqiptar, dhe dhuna e përdorur nga policia është bërë objekt sulmesh e debatesh mes qeverisë dhe opozitës.

“Të dashur miq, dje fallanga banditësh me uniformë, më urdhër të Edi Rames, u versulën me egërsi ç’njerezore kundër disa qindra të rinjve që protestonin në mënyrë paqësore për ekzekutimin me torturat më çnjerëzore të Kudret Kumes në burgun famëzi të Nigritës”- ka shkruar Berisha.

Berisha thotë se policia ushtroi terror ndaj protestuesve me urdhër të Ramës

Sipas ish kreut të Partisë Demoktratike, shkopinjtë e gomës, shqelmat, elektroshoku nuk kursyen as vajzat, gazetarët dhe kalimtaret. “Gazetari i mirënjohur i të përditshmes “Panorama”, Armand Bajrami, që po ndiqte protestën shkruan se ai dje fotografoi policë që rrihnin barbarisht brenda në furgonin e tyre të rinjtë dhe kjo mjaftoi që ata, për të fshehur krimin e tyre, ta merrnin forcërisht atë në rajon dhe ti merrnin po me forcë fotot dhe aparatin duke e sharë se “nuk je bërë ti të na fusësh në burg se ne të zhdukim fare”- citon më tej Sali Berisha.

Sipas Berishës, dhuna e egër ndaj protestuesve paqësore është fytyra e vërtetë e Edi Rames, qëndrimi i tij policesk ndaj të drejtave dhe lirive të njeriut. “Të gjithë në protesta kundër shtetit policor!! Sb”-përfundon mesazhi i Berishës.