Berisha: Liria, gjeneratori i rritjes ekonomike, Rama: Biznesi mezi pret të shpëtojë prej teje

Kryeministri Berisha po merr pjesë në mbledhjen e task forcës rregullatore të biznesit. Gjatë fjalës së tij, Berisha tha se liria e tregut mbetet gjeneratori i rritjes ekonomike. “Nga 100 kënde po të vështrosh, gjeneratori kryesor i rritjes ekonomike është tregu i lirë. Asgjë nuk ka rëndësi më jetike se sa tregtia e lirë. Janë të rëndësishme taksat, burimet e një seri faktorësh të tjerë, por njëshi është liria e tregtisë. I tërë procesi do të ketë kontrollin më minimal të mundshëm, sepse kontrolli është ndrydhje e saj. Por a mundet që ato të mos ekzistonin, jo. Sepse shoqëria duhet të ketë një mekanizëm për të mbrojtur edhe tregun, edhe qytetarin. Është e mundur që administrata t’u konsumojë sa më pak kohë biznesmenëve, që të shmangen të gjitha format e presioneve ndaj tyre, është e mundur. Materiali nuk ka qenë objekt diskutimi. Nuk mund të pranoj propozime për të shndërruar autorizimin në licencë. Argumenti është se procedohet me QKL, e cila ofron shërbimet më të mira”, tha Berisha.

Reagon Rama

Në një postim në Tuiter në mesditë, kreysocialisti Rama shprehet se biznesi në Shqipëri mezi po pret t’i shpëtojë dhunës së qeverisë.

“Takimet e KM me biznesin janë farsa më e madhe brenda farsës mediatike të qeverisë!Takohen dhunuesit me të dhunuarit e shtiren reciprokisht. Biznesi mezi pret t’i shpëtojë dhunës së përditshme të kësaj qeverie! Në 23 qershor, ne u kthejmë sipërmarrësve lirinë, dinjitetin, konkurrencën”, shkruan Rama.