Silvio Berluskoni do të shlyejë dënimin e tij me anë të shërbimeve sociale në një azil në Milano. Ai u shpall fajtor nga gjykata e Milanos në çështjen Mediaset. Lideri i Forza Italia do të asistojë të moshuarit në një qendër në Çeszano Boskone në Milano. Ai nuk mund të largohet nga Lombardia por është i autorizuar sipas kërkesës së tij, të udhëtojë në Romë nga e marta deri të enjten. Vendimi i gjykatës i është komunikuar avokatëve mbrojtës të ish kryeministrit. Lideri i Forza Italia, pasi ka firmosur procesverbalin me kushtet e vendosura nga gjykatësit do të ketë takime të herë pas hershme brenda muajit me përgjegëjsin e zyrës së ekzekutimit penal të jashtë, të Milanos. Vetëm në bazë të raporteve që do të dalin nga këto takime do të vlerësohet dhe shlyerja e dënimit. Avokatët e Berluskonit janë shprehur të kënaqur me vendimin duke e cilësuar si të ekuilibruar dhe në përputhje me karrierën politike dhe objektivat e klientit të tyre.