Bode në Kuvend: Bletë votat në Korçë, edhe pse s’kishit nevojë

Deputeti demokrat, Ritvan Bode, akuzoi maxhorancën për blerje votash në Korçë.  Duke folur në seancën e sotme, Bode, deputet i kësaj zone,  tha se e majta i bleu votat për kryebashkiakun, pavarësisht se nuk kishte nevojë.

“Ajo që ndodhi në Korçë tregoi se pse maxhoranca është në humbje të plotë të legjitimitetit demokratik. Kleptomani kërkon me çdo kush të përvetësojë atë që ka për objekt: pushtetin. Ju bletë votat në Korçë, edhe pse ishte e panevojshme. 10 mijë shuplakat në Korcë janë 20 milionë lekët që ne miratojmë sot si ligj që autorizon qeverinë të shpenzojë 50 milionë lekë më shumë.  Ju nuk po vrisni vetëm demokracinë, por edhe shpresën e nesërme, duke blerë votat e studentëve”, tha Bode.

Ndërsa ish-kryabshkiaku i Korçës, tashmë zëvendëskryeministër, tha se paratë e paguara nuk kanë të bëjnë aspak me blerjen e votës. Peleshi tha se shtabi thjesht ka rimbursuar studentët aktivistë të FRESSH, duke u lehtësuar atyre shprehjen e vullnetit.

“E gjithë stuhia e  ngritur në gotë do lërë pas vetëm baltën në fytyrën tuaj. Është e qartë se bëhet fjalë për një vullnet të shprehur të të rinjve eurosocialistë, aktivistë të FRESSH, të cilëve u është rimbursuar rruga dhe kaq. Ne nuk nxitojmë të flasim para drejtësisë. Ju nuk i druheni të vertëtës se i keni gati epitetet, për prokurorin, gjykatësin edhe KQZ nëse nuk jep rezultatin që doni. Kandidati ynë u votua nga 76 për qind e qytetarëve, por ne nuk e quajtëm triumf, pasi e njohim  përgjegjësinë e votës. Ju refuzoni të kuptoni mesazhin e votuesit.  Nuk paska shije më të hidhur se të shikosh opozitën e vendit tënd në këtë gjendje”, tha Peleshi.