Partia Socialiste ka mbledhur grupin parlamentar për të diskutuar për buxhetin e vitit të ardhshëm. Ligji më i rëndësishëm ekonomik, pritet të shkojë në komisionet parlamentare për shqyrtim javën e ardhshme, por ende po negociohet me Fondin Monetar Ndërkombëtar. Pas mbledhjes me dyer të mbyllura, e cila zgjati përmbi 1 orë, ministri për Marrëdhëniet me Parlamentin, Ilirian Celibashi, ka pohuar se nuk ka ende një shifër për buxhetin e 2014-s. Në mbledhje mësohet se është diskutuar edhe mbi situatën e borxhit publik. Buxheti i viti 2013 ka qenë 4 miliardë dollarë, ose 400 miliardë lekë.