I nderuar lexues! Kjo ekspeditë ushtarake e organizuar nga sulltan Murati (1638) kishte synim “nënshtrimin e maleve shqiptare” dhe sigurimin e kufijve veriorë të perandorisë. Rreth 15 mijë ushtarë në drejtimin e bejlerbeut të Bosnjës Vuço Pasha, kryen veprime luftarake në shkurt ndaj kryengritësve kelmendas. Këta pasi siguruan fëmijët dhe gratë, i lejuan trupat armike të hyjnë nëpër lugina, pastaj mbyllën shtigjet e kalimit dhe sulmuan. Duke shfrytëzuar motin e keq, terrenin dhe mjetet rrethanore, arritën t’i asgjësojnë trupat osmane. Vetë Vuço Pasha u vra nga malësorja trime Nora e Kelmendit.