Një nga vendimet e qeverisë është shpronësimi për familjarët që preken nga ndërtimi i linjës 400 kv Tiranë-Podgoricë. Një vendim tjetër është ngritja e një komisioni për administrimin e ujërave ndërkufitare, anëtarët e të cilit do jenë përfaqësues nga të gjitha ministritë. Po dje qeveria ka miratuar dëmshpërblimet për 4 vendime të Gjykatës Evropiane për të Drejtat e Njeriut. Një vendim tjetër është edhe transferimi i i nëpunësve civilë, pezullimi dhe lirimi nga shërbimi civil. “Ky vendim rregullon procedurat për transferimin e përhershëm dhe të përkohshëm të nëpunësve civilë, pezullimin nga shërbimi civil të nëpunësve civilë, lirimin nga shërbimi civil për nivelin ekzekutiv, të ulët dhe të mesëm drejtues”. Miratohet gjithashtu rialokimi i numrit të punonjësve në qeverisjet qendrore, rialokimi i fondeve buxhetore të qeverisë qendrore për vitin 2014. Janë miratuar po ashtu edhe disa ndryshime në disa vendime të qeverisë.