Delet kanë dalë fare nga fazat në një fshat të Uellsit në Angli, pasi kanë ngrënë bimë nga një grumbull kanabisi të hedhur në anë të rrugës, shkruan sot Standart.
U njoftua se njëra prej kafshëve bëri kërdinë kur hyri brenda një shtëpie njëkatëshe në luginën Swansea.
Këshilltari i qarkut Ioan Rochar tha për Telegraph “se një tufë delesh në fshat po shkakton bela të madhe.
Ato po hyjnë në kopshtet e njerëzve dhe njera hyri dhe në një shtëpi njëkatëshe dhe bëri lëmsh, dhomën e gjumit. Pra, ne mund të kemi një shpërthim psiqik të deleve të inatosura nëpër fshat.”
Një zëdhënës i Këshillit tha se kanabisi, që ishin mbetjet e një fabrike aty afër, u hoq nga rruga të martën, po nuk mund ta konfirmonin dot sesa kishin ngrënë delet.