Dinamo, Shkumbini e Tomori i janë afruar ndjeshëm Apolonisë, e cila është frenuar pa gola nga Tërbuni, në ndeshjen e luajtur në Lushnjë. Skuadra pukjane ishte e treta në renditje, ndjekësja më e afërt e fierakëve, të cilën kanë arritur ta mbajnë nën distancë, por nga kjo përfitojnë më tepër tri skuadrat e sipërpërmendura, tani gjashtë pikë poshtë Apolonisë. Një pikë të vetme mori edhe Elbasani, por kryesuesit kanë komfortin e tri pikëve ekstra karshi fierakëve.
Verdheblutë ishin pranë fitores në Kamzës, por një penallti e kthyer në gol në minutën e 86-të u hoqi dy pikë. Dinamo është skuadra me ngjitje të pandalshme, e denjë për epitetin që ka, “nëndetëse”, pasi javë pas jave është bërë vërtet kërcënuese për kreun, ndonëse me fitore minimale e pa bujë. Dje blutë mundën Butrintin me golin e Turtullit, ndërsa Shkumbini fitoi 2-0 në Mamurras, me gola të shënuar nga vëllezërit Magani.
Daullexhiu i mjaftoi Tomorit për fitoren në shtëpinë e Veleçikut. Me ngjitjen e treshes, në kuotën e 24 pikëve, por edhe me Tërbunin e Pogradecin me vetëm një më pak, lufta për ngjitjen në Superiore, është bërë sërish e hapur, të paktën për vendin e dytë, ndonëse as Elbasani nuk mund të ndihet i sigurt.
Kategoria e Parë
Java e 14-të
Apolonia-Tërbuni 0-0
Pogradeci-Luftëtari 3-0
Pengu 14′, Jahaj 56′, Topllari 89′
Kamza-Elbasani 1-1
Blloku 86′ (p) / Dalipi 43′
Mamurrasi-Shkumbini 0-2
E. Magani 6′, A. Magani 73′
Himara-Ada 1-0
Guga 15′
Albpetrol-Burreli 1-0
Kapo 83′
Dinamo-Butrinti 1-0
Turtulli 37′
Veleçiku-Tomori 0-1
Daullexhiu 18′
Renditja
N Skuadra P Gol F B H
1 Elbasani 33 22:12 10 3 1
2 Apolonia 30 20:5 8 6 0
3 Dinamo 24 20:13 6 6 2
4 Shkumbini 24 20:14 7 3 4
5 Tomori 24 12:11 7 3 4
6 Tërbuni 23 20:10 6 5 3
7 Pogradeci 23 21:16 7 2 5
8 Butrinti 21 19:12 6 3 5
9 Himara 16 15:15 4 4 6
10 Burreli 14 9:15 3 5 6
11 Albpetrol 13 9:14 3 4 7
12 Veleçiku 13 13:22 4 1 9
13 Kamza 13 7:19 3 4 7
14 Ada 12 8:17 3 3 8
15 Luftëtari 11 10:20 2 5 7
16 Mamurrasi* 6 11:19 3 3 8
* Mamurrasi -6 pikë