Përveç problemeve me drejtësinë, duket se Tom Doshi ka problem edhe me banorët e zonës së Koplikut.
Banorët e Koplikut protestuan sot kundër deputetit Tom Doshi dhe Dritan Priftit, pasi pretendojnë se nuk i kanë paguar.
Sipas protestuesve, Doshi dhe Prifti u kanë blerë fshatarëve misër për pulat e pularisë, por nuk kanë paguar lekët.
Sipas këtyre banorëve, borxhi në total që Doshi e Prifti duhet t’u paguajnë fshatarëve kap shifrën 750 milionë lekë.
Rreth 40-50 fshatarë kanë dalë të protestojnë para pularisë që është në pronësi të Doshit e të Priftit.