Droga në Forcat e Armatosura, Berisha: Rama ka frikë nga transparenca si djalli nga temjani!

Rrëzimin e kërkesës së opozitës në Komisionin e Sigurisë për seancë dëgjimore me Ministren e Mbrojtjes Mimi Kodheli ‘për përdorimin’ e Forcave të Armatosura për trafik droge, ish-lideri i opozitës,  Sali Berisha,  e ka vlerësuar një akt terësisht antikushtetues.  Berisha ka reaguar në facebook se me rrëzimin e kërkesës së opozitës, kryeministri Rama vetëm provon vërtetësinë e akuzave.

Akti i sotëm i mazhorancës, tha Berisha, dëshmon se njëri nga motivet bazë të përpjekjes së Ramës për të marrë kompetencat kushtetuese të Presidentit të Republikes si Komandant i Përgjithshëm i Forcave të Armatosura është për të patur dorë të lirë për përdorimin e bazave të ushtrisë për transportin e drogave të forta.

Reagimi i plotë në facebook

Të dashur miq, Rama ka frikë nga transparenca si djalli nga temjani! Kështu, akuzave të bazuara ne dokumenta te opozites per perdorimin e bazave ushtarake per transport droge nga Edvin Kristaq Rama, ky i fundit iu pergjigj me nje akt antikushtetues.

Ai sot urdheroi deputetet e tij ne Komisionin e Sigurise te hedhin poshte me vota kerkesen e deputeteve te PD per paraqitjen neser ne Komisionin e Sigurise te znj. Kodheli per te dhene shpjegime mbi perdorimin e bazave ushtarake per transport dhe trafikim droge.

Me kete akt absurd Rama vetem provon vertetesine e akuzave te opozites sikunder deshmon se njeri nga motivet baze te perpjekjes se tij per te marre kompetencat kushtetuese te Presidentit te Republikes si Komandant i Pergjithshem i Forcave te Armatosura te vendit eshte per te patur dore te lire per perdorimin e bazave te ushtrise per transportin e drogave te forta.

Si perfundim, Rama sot tha me vota se nuk lejoj opoziten te me kontrolloje per droge. Ai ka frike nga transparenca si djalli nga temjani!!

Protesta eshte pergjigja e merituar ndaj Rames qe po shnderron Shqiperine ne epiqender te trafikut zyrtar te drogave te forta!!