Një 45-vjeçar ka denoncuar kërcënimin e tij me jetë nga persona të paidentifikuar që e kanë telefonuar dhe së fundmi i kanë lënë edhe zarfa me letra te dera e shtëpisë. Dyshohet se motivet e konfliktit mund të jenë shkaqe pronësie apo borxhi, por policia është duke hetuar denoncimin e bërë dy ditë më parë nga G. Ll., banues në Shkallnur. Ai ka dëshmuar se ka gjetur te pragu i derës dy zarfa me letra kërcënuese, madje ka pasur edhe telefonata kërcënuese nga numra të panjohur, por mohoi konfliktet.