Një 31-vjeçar ka shkuar në portin e Durrësit për të tërhequr makinën e tij që e kishte porositur në Itali tek një koncesionar vendas në La Spezia, por i ka rezultuar e vjedhur po në vendin fqinj. Burime zyrtare thanë se A. B., ka kërkuar mjetin “Alfa Romeo”, me targa te origjinës të shënuara në librezë BR709MB, të cilin ia ka dërguar A. M., përfaqësuese e një koncesionari me seli në La Spezia. Nga verifikimet rezultoi se vetura ishte denoncuar si e vjedhur në Itali më datë 16 prill 2013. Mjeti u sekuestrua dhe nisën hetimet.