Të tjera detaje dalin në dritë nga masakra që ndodhi në Elbasan, ku tre persona u vranë me breshëri automatiku. Ngjarja ndodhi mbrëmjen e të shtunës rreth orës 21:15 në rrugën Elbasan-Ish Kombinati Metalurgjik pranë rrethrrotullimit të Bradasheshit.
Për pasojë në atentat humbën jetën Endrit Alibej, 34-vjeç dhe Arben Dylgjeri, 56 vjeç, xhaxha e nip, të dy nga Elbasani si dhe shtetasi Erdal Duranay, 51 vjeç nga Turqia.
Burime konfidenciale nga policia bënë me dije për “BalkanWeb” se bëhet fjalë për një vrasje profesionistësh. Po ashtu mes të tjerash “BalkanWeb” ka arritur të mësojë se makina ka marrë 18 plumba në krahun ku ndodhej 34-vjeçari dhe 7 në sediljen e pasme ku gjendej turku.
Tre viktimat kishin vetëm pak ditë që kishin ardhur në Shqipëri. Po ashtu bëhet e ditur se shtetasi turk jetonte në Rumani, ndërsa Endrit Alibej kishte shumë kohë që nuk ishte kthyer në vendlindjen e tij.
Nga hetimet e deritanishme, ka dyshime se objektivi kryesor i atentatit të mbrëmshëm rezulton se ka qenë pikërisht 34-vjeçari Endrit Alibej me të shkuar kriminale jashtë Shqipërisë.
l.h/ dita
Mire me numrimin e plumbave…!
Tani na thoni:
-Sa fisheke kane mbetur ende …ne Skiperi te pa shkrehur?
Lista eshte e gjate:te gjithe ata qe kane dhene vendime korruptive,prokurore,gjykates,permbarues,notere,punonjes hipotekash etj etj.Ata te mos harrojne se kush ka bere keq e ka pas veshit sado te zgjase.Hajini gjelat e detit dhe parate e vjedhura me grate tuaja se dita do ju vije ju ose femijeve tuaj.Shqiptari nuk harron!
Hetimi duhet perqendruar ne Peqin.