Edhe këtë sezon Ferrari nuk arriti të mposhtë Red Bullin e për këtë arsye tek skuderia e Maranellos do të përpiqen që sezonin e ardhshëm, që do të jetë i mbushur me ndryshime teknike, të mos bëjnë gabimet e këtij viti.
Stefano Domenicali thekson se puna e këtyre javëve do të jetë thelbësore në kuadër të sezonit të ardhshëm: “Javët deri në fund të këtij viti do të jenë thelbësore nëse duam t’i japim fund dominimit të Red Bullit.”
Domenicali pranon përgjegjësitë e tij në uebin e Ferrarit për formën jo të mirë të “Kokëkuqes”: “Nuk ishim në gjendje t’i jepnim pilotëve tanë një makinë për të luftuar me Vettel, hiq pjesën e parë të sezonit. Falë talentit të Alonsos i rivalizuam pak më shumë se të tjerët, por nuk e çuam luftën deri në fund.”