Dashi
Me pozicionin e ri të Afërditës në shenjë, duket se ritmet marramendëse të ditëve të shkuara do të pësojnë një rënie të ndjeshme, ndërkohë që do të marrin më shumë kuotë çështjet e zemrës.
Demi
Me Merkurin që ju “mbikëqyr” nga lart, sigurisht që mund të ideohen e projektohen gjëra të mëdha, të cilat do t’ju garantojnë patjetër suksesin. Raportet ndërpersonale stimulohen nga Hëna.
Binjakët
Duhet të tregoheni të matur, të kujdesshëm dhe racionalë, pasi tani fillon një periudhë e trazuar, për shkak të kontrastit në shenjë nga Marsi dhe Saturni. Mendoni më shumë për partnerin.
Gaforrja
Kujdes, nuk do të keni njerëz rreth vetes sa kohë që vazhdoni të shihni gjithmonë “armiq” te ata që në fakt nuk janë aspak të tillë. Shumë gjëra ptitet të ndryshojnë dhe ju duhet të përfitoni.
Luani
Thuajse papritur, energjitë tuaja do të ripërtërihen për shkak të një fluksi të ri të dyshes Afërditë-Mars që, veç të tjerash rigjallëron edhe anën sentimentale. Sa shumë para shpenzoni!
Virgjeresha
Edhe pse nga kontrasti Mars-Saturn mund të keni ndonjë moment dobësie, kjo do të jetë krejt e përkohshme, pasi ju mjaftojnë pak stimuj nga Mërkuri dhe Hëna për t’u rikuperuar plotësisht.
Peshorja
Kur ju këshillohet të mos shpenzoni shumë, nuk është fjala vetëm për paratë, për të cilat bëni mirë të dëgjoni këshillat, por kryesisht për energjitë, pasi qielli është shumë “dorështrënguar” me ju.
Akrepi
Që Marsi ju ka imponuar ritme shumë të larta kjo kuptohet shumë kollaj tani me një farë drobitjeje që ju karakterizon, gjë që tregon se “planeti i kuq” nuk ka më influencë ndaj jush. Pasionalë në dashuri.
Shigjetari
Parashikohet një ditë e mirë në planin e punës, por shumë interesante në atë afektiv. Nëse nuk ndjeheshit të gatshëm për pasione dashurie nga frika zhgënjimit të mundshëm, tani ju garanton Afërdita se çdo gjë do të shkojë mirë.
Bricjapi
Në përgjithësi panorama yjore është pozitive për shumë të lindur të kësaj shenje që do të jenë nën mburojën e Jupiterit, por në planin sentimental gjërat mund të precipitojnë në kahjen negative.
Ujori
Yjet thonë se do të jeni shumë aktivë në aspektin e punës, por jeni shumë të vështirë përsa i përket raporteve ndërpersonale. Jo të gjita të vërtetat mund t’u thuhen në sy të tjerëve
Peshqit
Në përgjithësi lëvizja e planeteve është kaotike, duke bërë që edhe ju të jeni konfuzë dhe të turbullt në mendime. Sidoqoftë, në planin sentimental mjafton një rreze Hëne për t’u bërë pasionalë.