Një incident rrugor është shënuar me eskortën e kryeministrit Berisha mbrëmë, pas përfundimit të mbledhjes me krerët e PD-së së rretheve. Menjëherë pas daljes nga selia blu, një makinë ka rrezikuar eskortën e Berishës, duke hyrë gabimisht në krahun e gabuar të rrugës, por pa shkaktuar të lënduar. Sipas burimeve mësohet se makina drejtohej nga Ervis Hoxha, nga Lushnja, për të cilin policia tha se ishte në gjendje të dehur. Hoxha është arrestuar menjëherë.
Një incident i ngjashëm u shënua edhe pak kohë më parë me eskortën e Berishës. 33-vjeçari Romir Kopliku ndoqi me mjetin e tij nga Vora në Tiranë makinat e Gardës, të cilat shoqëronin Berishën në kthimin e tij nga Durrësi. Edhe në rastin e Koplikut, policia tha se ai ishte i dehur.