Shpërthimi i një furgoni u ka marrë jetën tri grave në Itali paraditen e sotme. Ngjarja ka ndodhur në tregun e Guastallas, në Rexho Emilia. Policia e zonës bëri të ditur se përveç tri viktimave, shpërthimi la të plagosur edhe pesë persona të tjerë. Viktimat ishin punëtore në një rostiçeri ambulante. Tri gratë kishin lidhje farefisnore me njëra-tjetrën. Shpërthimi ka shkaktuar shumë dëme materiale në bizneset përreth. Ndërkohë, policia dhe prokuroria kanë nisur hetimet.