Skuadra e Juventusit iu është afruar gjysmëfinales së Ligës së Evropës, pasi që e fitoi ndeshjen e parë në Francë, ndaj Lyonit.
Bianconerët ishin më të matur dhe më të mirë gjatë gjithë takimit, edhe pse pjesa e parë përfundoi ashtu siç edhe filloi. Në të dytën, Conte bëri disa ndryshime, duke e ndryshuar edhe lojën, duke e bërë Juven edhe më dominonte. Nga ana tjetër, Lyoni mundohej që përmes kundërsulmeve dhe gabimeve të përfitonte.
Por, goli i fitores erdhi vetëm në minutën e 85 kur në një tollovi para portës së vendasve, qendërmbrojtësi Leonardo Bonucci realizoi gol.
Ky gol ia lehtëson punën skuadrës së Antionio Contes për tu kualifikuar, pasi ndeshja kthyese luhet në Torino një javë më vonë.