Banorët e Kalivaçit janë hedhur në protesta ndaj firmës konçesionare për ndërtimin e HEC-it, “Bechetti”, pasi pretendojnë se nuk u ka paguar rrogën e një viti. Ish-punonjës të HEC kërkojnë përveç rrogave edhe lirimin e personave të arrestuar, në të kundërtën do të përshkallëzojnë protestën e tyre. Më parë ishin ndaluar 4 punonjës nga policia, kurse dje protesta u zhvendos te dyert e kompanisë. Protesta u mbështet edhe nga autoritete vendore.