Ata që vuajnë nga lartësia në Kinë, tashmë kanë një vend të ri për të sfiduar vetveten, me platformën të cilën vetë pronarët e kanë quajtur platforma panoramike më e lartë dhe më e madhe në botë.
Ajo ndodhet mbi luginën shumë pranë Pekinit, në në Shilingxia, atje nga ku turistët dhe vizitorët mund të shijojnë një panoramë mahnitëse.
“Ura është 32.8 metra e lartë, 11 metra më e madhe se në Shtetet e Bashkuara të Amerikës. Për momentin, ajo është më e gjata në botë. Ajo qëndron mbi një platformë xhami prej 415 metrash katrorë dhe është platoforma më e madhe prej xhami në botë. Së treti, një nga gjërat më interesante, është fakti se për herë të parë një paltformë e tillë përbëhet nga titaniumi” tha menaxheri i saj Li Shuang.
Disa vizitorë e kanë të vështirë të shkelin e të ecin mbi të.
“Jam shumë e frikësuar, nuk guxoj të shoh poshtë. Shoh thjesht drejt dhe kapem tek parmakët. Është hera ime e parë dhe më duket sikur do më bien të fikët. Nuk jam mësuar. Ne të moshuarit nuk kemi aë guxim sa të rinjtë”.
Platforma është hapur për publikun nga 1 maji i vitit 2016. Ajo qëndron 768 metra mbi nivelin e detit dhe 400 metra larh nga lugina poshtë këmbëve të saj.
