Një konflikt i çastit është bërë shkak i një pengmarrje në qytetin e Korçës. Dy të rinj nga fshati Çiflig, Voltan Piperi, 39 vjeç dhe Sotir Çiço, 36 vjeç, janë arrestuar pasditen e djeshme nga policia, për akuzën e “heqjes së paligjshme të lirisë së tjetrit në bashkëpunim”. Denoncimi është bërë nga 31-vjeçari me inicialet P. N., banues në fshatin Goricë. Sipas njoftimit të Policisë, Piperi dhe Çiço morën peng 31-vjeçarin në mjetin tip “Nissan”, me targë AA183CS, duke e çuar në periferi të qytetit dhe më pas e kanë dhunuar.