Dy vajzat e mitura, Kristina Zeqollari, 15 vjeçe dhe Erigersa Dulellari 14 vjeçe, të cilat rezultonin të humbura që prej të martës në qytetin e Korçës dhe që u gjetën mbrëmjen e së premtes nga familjarët kanë thënë në dëshminë e tyre në polici se ishin larguar me dëshirë.
“Ne u larguam me dëshirë dhe pa asnjë shkak nga shtëpia. Nuk jemi abuzuar dhe keqtrajtuar nga askush” është kjo një pjesë e dëshmisë së dhënë përpara grupit hetimor.
Gjuthashtu burimet zyrtare bëjnë me dije se vajzat ndodhen në gjendje të mirë shëndetësore dhe psikologjike. Pas dhënies së dëshmisë minorenet u dërguan në banesat e tyre, të shoqëruara nga prindërit.
Kristina Zeqollari, 15 vjeçe dhe Erigersa Dulellari 14 vjeçe u gjetën rreth orës 22:00 të mbrëmjes së djeshme në një ndërtesë të braktisur në lagjen 9,tek “ish-Fabrika e Miellit”, Korçë.