I riu mban peng të dashurën e tij në banesë, shpallet në kërkim nga Policia e Korçës. Denoncimi është bërën nga shtetasja F.F., 22 vjeç, banuese në Korçë, e cila deklaron se shtetasi J.GJ., 23 vjeç, më të cilin ka pasur lidhje, e ka mbajtur në banesë pa dëshirën e saj. Ai i ka thënë se do e vrasë nëse braktiset.
Gjatë kësaj kohe ai e ka kanosur në mënyrë të vazhdueshme dhe i ka kërkuar që të vazhdonte lidhjen. Në momentet që vajza është arratisur nga banesa e të dashurit, i është drejtuar policisë për të denoncuar pengmarrjen e saj.
Ajo ka thënë se personi me të cilin ka pasur një lidhje,vazhdon ta përndjekë dhe për më tepër ka guxuar që ta mbajë të mbyllur në banesë. Pas marrjes së dëshmisë, policia shpalli në kërkim pengmarrësin. Ndaj 23-vjeçari rëndon vepra penale e “Përndjekjes” dhe “Heqjes së paligjshme të lirisë”.