Dy vetë janë vënë në pranga ndërsa gjashtë të tjerë janë në hetim për shkak se kanë abuzuar për gjashtë vjet me fondet për të papunët që i përkisnin bashkisë së Këlcyrës. Policia njoftoi zyrtarisht arrestimin e shefitë të Zyrës së Përkrahjes Sociale në Bashkinë Këlcyrë, arrestimin e shefit të Zyrës
së Punës në Përmet, hetimin në gjendje të lirë të specialists së Zyrës së Përkrahjes Sociale të Bashkisë Këlcyrë, si dhe hetimin në gjendje të lirë 5 shtetas të tjerë që kanë përfituar në mënyrë të paligjshme asistencë sociale për 5 vjet rresht. Mësohet se shuma e përfituar nga këta shtetas është mbi 2 milionë lekë.
Ndërkohë, sipas policisë, vijojnë hetimet pasi ka edhe një numër të kosiderushem shtetasish të tjerë që kanë përfituar në mënyrë të paligjshme asistencë sociale nga fondet që i akordoheshin Bashkisë Këlcyrë.
Specialistët e Sektorit Kundër Krimit Finaciar në Drejtorinë e Policisë së Qarkut Gjirokastër kanë marrë një informacion se një numër i konsiderueshëm shtetasish banorë të rrethit Këlcyrë kanë përfituar në mënyrë të paligjshme asistencë sociale nga Bashkia Këlcyrë.
Nga verifikimet paraprake të bëra në zyrën e Përkrahjes Sociale të Bashkisë Këlcyrë ka rezultuar se 5 shtetas prej 5 vitesh përfitonin asistencë sociale në mënyrë të paligjshme pasi:
Tre prej tyre prej 5 vitesh ishin të punësuar në firmën ‘Flutone”, Gurrore në Këlcyrë dhe firma u kishte paguar sigurimet shoqërore çdo muaj. Ndërsa dy shtetas të tjerë prej vitesh figurojnë emigranë në greqi dhe nuk dihet se kush i përfitonte këto lekë në emër të tyre.
Nga verifikimet e bëra rezultoi se shtetasi Erald Ristani me detyrë shefi i Zyrës së Punës në Përmet ka lëshuar vërtetime për të 5 këta shtetas që janë të papunë për këtë periudhë kohe prej 5 vitesh.
Ndërkohë Zyra e Përkrahjes Sociale në Bashkinë Këlcyrë në bazë të ligjit duhet të bënte verifikimet çdo muaj me sigurimet shoqërore, të cilën nuk e ka kryer.