Një shtetas kosovar ka ekzekutuar me armë zjarri ish-gruan dhe vajzën e tij 20-vjeçare, mbrëmjen e sotme në Itali. Sipas mediave të shtetit fqinj, nënë e bijë, Fatime dhe Senada, janë vrarë me pistoletë nga Veli Selmanaj, i cili është ndaluar nga policia menjëherë pas ngjarjes. Çifti kishte 7 fëmijë dhe ishte divorcuar prej pak kohësh.
Ngjarja e rëndë ka ndodhur rreth orës 19:00 në Pescina të Italisë, ku nënë e bijë, me origjinë nga Kosova, jetonin prej vitesh dhe punonin në një ndërmarrje bujqësore. Nga të dhënat e para mësohet se gruaja dhe vajza janë qëlluar me pistoletë pranë një supermarketi, në afërsi të fermës ku punonin.