Shtatë anëtarë të Gjykatës Kushtetuese kanë votuar pro hartës aktuale territoriale e cila u miratua vetëm me votat e mazhorancës.
Kushtetuesja ka zbardhur vendimin që ka rrëzuar kërkesën e Partisë Demokratike për të shpallur anti kushtetuese hartën e re territoriale me 61 bashki.
Kundër PD-së kanë votuar kryetari Bashkim Dedja dhe anëtarët Vitore Tusha, Sokol Berberi, Altina Xhoxhaj, Fatmir Hoxha, Besnik Imeraj dhe Fatos Lulo. Në vendimin e zbardhur rezulton se kanë votuar kundër vetëm Vladimir Kristo dhe Gani Dizdari. Në argumentet e shumicës së qytetarëve lidhur me pretendimin e PD-së se komunat nuk janë pyetur për ndarjen e re thuhet se “Gjykata arrin në përfundimin se procesi i marrjes së mendimit është realizuar nëpërmjet përdorimit të pjesës më të madhe të metodave të parashikuara nga ligji 8652/2000. Në këtë kuptim, Gjykata vlerëson se kriteri kushtetues i marrjes së mendimit, sipas nenit 108/2 të Kushtetutës, nuk është cenuar”.
