Juventusi është finalisti i parë i Kupës së Italisë, pasi mbrëmjen e së martës arriti një fitore të madhe ndaj Fiorentinës, në fushën e kësaj të fundit, 0-3.
Pas ndeshjes së parë, ku Fiorentina fitoi 1-2 në Torino, u mendua se tashmë për Juventusin ishte tejet i vështirë kualifikimi. Por të besuarit e Allegri-t zhvilluan një ndeshje fantastike në “Artemio Franchi”, duke shënuar tre herë në portën e vendasve, të cilat nuk arritën të shkonin asnjëherë te goli.
Matri dhe Pereyra ishin autorët e dy golave në pjesën e parë të takimit, ndërsa Bonucci vulosi kualifikimin në minutën e 59-të.
Ndeshja tjetër gjysmëfinale është ajo ndërmjet Napolit dhe Lacios, e cila do të luhet mbrëmjen e së mërkurës. Ndeshja e parë në Romë ka përfunduar në barazim 1-1.
Bravo Juventus 🙂