I nderuar lexues! Ardiejtë (ardianët) ishin fis ilir, banorë të krahinës Ardia në veriperëndim të liqenit të Shkodrës rreth gjirit të Rizonit e deri te lumi Narenta. Përmenden në shek.IV p.e.s. lidhur me shfrytëzimin e bujqve të varur ekonomikisht nga pronarët e tokave dhe më pas si detarë të aftë. Në shek.III p.e.s. luftuan kundër dyndjes kelte. U përfshinë në mbretërinë ilire deri më 168 p.e.s., kur me shkatërrimin e saj nga Roma dolën më vete. U pushtuan nga romakët më 135 p.e.s. dhe ngritën krye më 44-43 e 35-33, prandaj Roma i shpërnguli me forcë nga bregdeti në brendësi, në vise të ashpra. Përmenden nga Straboni në shek.I e.s. si pakica të vogla.