E nderuar redaksi e gazetës DITA. Mosvënia dorë prej shumë kohësh në mirmbajtjen e tyre, por dhe shirat e kohëve të fundit, ka bërë që pothuajse të gjitha rrugët që lidhin fshatrat e Bashkisë Rrëshen me qëndrën e rrethit të jenë të bllokuara. Më rëndë praqitet situata në aksin Malaj- Rrëshen, por edhe në rrugët e fshatrave Sheshaj, Kulme, Lurth, Tenë, Valcë etj. Edhe pse në këto fshatra jetojnë më shumë se gjysma e popullsisë që ka Bashkia Rrëshen, mbi 8000 banorë janë të detyruar të përshkojnë në shtigje që nuk kanë asgjë të përbashkët me rrugët normale, pasi ato kanë degraduar në ekstrem. Më e rëndë paraqitet situata në fshatin Bungaj, në segmentin e rrugës që shkon për në fshatin Malaj. Shkatërrimi dhe bllokimi i kanaleve anësore të rrugës, ka bërë që të rritet niveli i ujrave në sipërfaqe të shumta anësore. Për pasojë është përmbytur edhe një mini ujsjellës nga i cili marrin ujin e pishëm shumë familje të këtij fshati. Një situatë e tillë ka bërë që banorët të shkojnë deri në qytet për ta blerë atë, jashtë mundësive të tyre, jo vetëm për arsye ekonomike, për edhe për shkak të rrugës së gjatë me një infrastrukturë të rënduar në ekstrem.
Dhjetra banorë por edhe kryetar fshatrash janë paraqitur në Bashkinë Rrëshen për të kërkuar ndihmë, por bashkia nga ana e saj e ka të pa mundur të ndërhyrë, pasi fondet përkatëse për mirmbatjen e rrugëve rurale menaxhohen nga Këshilli i Qarkut Lezhë, përmes një ndërmarrjes shtetërore e njohur si Drejtoria Rajonale e Rrugëve Rurale. Nga sa mësohet kjo ndërmarrje e ka të pa mundur ndërhyrjen në këtë situatë ku ndodhen rrugët, pasi falë reformave numri i punonjësve është reduktuar në ekstrem dhe në Mirditë nuk ka asnjë mjet për ndërhyrje në rrugë përvec, ndonje fadrome me defekt prej disa vitesh në pa mundësi për tu mirmbajtur për mungesë fondesh.
Bashkia Rrëshen përmës dy shkresave i është drejtuar Kryetarit të Qarkut Lezhë për të mundësuar ndërhyrjen në rrugë në kushtet e emergjencës. Në njëren prej shkresave (po ju dërgoj dhe faksimile) që mban datën 11 dhjetor 2012 bashkia ka kërkuar me insistim që qarku të marrë masa për ndërhyrje rehabilituese që situata të mos shkojë në bllokimin total të tyre. Edhe pse kaloi më shumë se një muaj, Qarku Lezhe jo vetëm nuk ka marrë asnjë masë, por nuk ka kthyer as përgjigje korteziale Bashkisë Rrëshen për shqetësimin.
Email dhe foto: nga adresa [email protected]