Liderët do t’i gjykojmë nga idealet

SMS në DITA

Në 0689073730

Jam një ndër studentët e “Dhjetorit”, ju shkruaj për shkrimin e rubrikës “Pikante” dhënë në kontekstin se S.Berisha i përqaset Enver Hoxhës (!) Jam kategorikisht kundër dhe kjo nuk është një çështje opinioni personal. Nuk nxirret gjë nga ky përkufizim, veç në qofsh injorant apo keqdashës. S.Berisha është thjesht një “personazh” dhe Etimologjia e kësaj shprehje të çon tek fjala latine persona, që do të thotë maskë, e cila nga ana e saj, është përkthim i fjalës greke rol. Në përgjithësi nocioni i këtij personazhi pasqyron natyrën komplekse dhe inferiore ndaj vlerave qytetare e humane. Ai është me tepër mbartës i frikës dhe i dhunës që nëpërmjet dehistorizimit të vlerave përpiqet të hutojë intelektualët dhe të ushtrojë represion ndaj shoqërisë civile.

Këto veprime i japin pushtet këtij konopi të zi, shkurt unë pajtohem me gjermanët që e përshkruajnë këtë personazh thjesht “një ordiner të rrezikshëm”. Persa i përket figurës së Enver Hoxhës, duhet parë në këndvështrimin e realitetit të pasluftës së Dytë Botërore. Ai luajti një rol kyç në çlirimin dhe në ndërtimin e vendit, ishte përfaqësues real i atij brezi që sakrifikuan për një çështje të madhe e sublime.

Pavarësisht ambiguitetit të mëvonshëm të figurës së Enver Hoxhës, ideali i tij ishte krijimi i një Shqipërie të lirë dhe të begatë. Me nderime, Genc Labi.