Andon Mëhillaj mohon nga qelia e burgut që të ketë porositur apo paguar vrasjen e peshkatarit Sokol Veizi për motive pronësie. Ai ka pranuar se kishte përplasje me viktimën për tokën në bregdetin e Orikumit, por kundërshton deklaratat e killerit të penduar Julian Sinanaj se ka dhënë porosi për ta eleminuar fizikisht. “Nuk i kam kërkuar Julian Sinanajt të vrasë Sokol Veizin, por më premtoi se do më zgjidhte konfliktin e pronësisë që kisha me peshkatarin nga Orikumi”, është mbrojtur Mëhillaj. Prokuroria vijon çdo javë që të marrë në pyetje të arrestuarit e këtij grupi të akuzuar në të paktën 7 atentate të dokumentuara si porosi me pagesë, dy prej të cilave vrasje, dy me plagosje, dy për paralajmërim dhe një në tentativë. “Me Julian Sinanaj jam njohur rastësisht në lokalin e dajës tim në zonën e Orikumit, ku vinte shpesh. Aty nisi edhe komunikimi im me të dhe u vetëofrua për të më zgjidhur problemin me Sokol Veizin. Nuk e mendoja kurrë se do e vriste”, ka thënë 38-vjeçari.
Sa “mire” qe e paskan kurdisur avokatet kete sekserin e vrasjeve,me parapagim!