Futbollisti argjentinas, Lionel Messi, është paraqitur për herë të parë në një gjykatë në Spanjë, ku ai dhe babai i tij përballen me akuzat për evazion fiskal.
Messi dhe babai i tij, Jorge Horacio Messi, mund të dënohen me rreth dy vjet burg nëse shpallen fajtorë për mashtrim të autoritetit tatimor të Spanjës, por me shumë gjasa në rastin e tyre do të aplikohet ndëshkimi me gjobë. Dyshohet se ata kanë fshehur taksa në vlerë prej 4.1 milionë eurosh.
Në listën e revistës së famshme Forbes për sportistët më të paguar në dekadën e fundit, Messi renditet në vendin e dhjetë, me të ardhura që vlerësohen në 350 mln dollarë.
“Unë luaj vetëm futboll dhe nuk di asgjë nga kjo fushë”, tha ai. Mesi dhe babai i tij, Jorge, i cili merret me menaxhimin e financave të tij, akuzohen se i kanë fshehur shtetit spanjoll plot 4.1 milionë euro. Autoritetet akuzojnë se, të dy ata kanë shfrytëzuar “parajsat fiskale” në Belize dhe Uruguaj për të fshehur të ardhurat nga të drejtat e imazhit.
I veshur me një xhaketë të errët dhe me kollaro, Messi u ul pranë të atit përpara trupës gjyqësore, si dhe dëgjoi dëshmitë për afro 4 orë, përpara se të thirrej për të dëshmuar vet ai në ditën e tretë të gjyqit ndaj tij. 28-vjeçari Messi tha se kishte firmosur dokumentet pa i lexuar ato, sepse i besonte të atit dhe këshilltarëve përgjegjës për menaxhimin e financave të tij.
“Në fakt, unë shqetësohem vetëm për futbollin, për mënyrën sesi do të luaj”, tha ai përpara gjykatësve. E teksa foli për më pak se 15 minuta, ai tha se kurrë nuk kishte dyshuar të kishte bërë ndonjë shkelje, kur i ati i ofronte atij dokumente apo kontrata për t’i nënshkruar. Jorge Messi mohoi gjithashtu të ketë shkelur ligjin.
Horge, babai i tij ka thënë: Leo nuk dinte asgjë nga këto gjëra dhe nuk i ka lexuar kontratat”. Ndërsa vetë “Pleshti” ka konfirmuar: “Unë nënshkruaja, sepse kam besuar tek im at dhe nuk kam menduar asnjëherë se më mashtronte”.