Ministria e Shëndetësisë reagoi sot pasi një grup përfaqësuesish të kompanive të tregtimit të produkteve farmaceutike në vend u shprehën kundër urdhrit për të ndryshuar kriteret e kualifikimit në tenderat e medikamenteve spitalore.
Në reagim, Ministria e Shëndetësisë sqaron se” importi dhe regjistrimi i barnave ka qenë deri para pak kohësh një proces tërësisht i kompromentuar dhe i mbyllur, me një mungesë të theksuar transparence, duke lënë, kështu, shteg për praktika abuzive dhe klienteliste në treg”.
Interesi sipas Ministrisë së Shëndetësisë është që për barnat për përdorim spitalor të kenë cilësinë dhe efektin që duhet të kenë për përmirësimin e kujdesit shëndetësor për pacientët. Më tej Ministria e Shëndetësisë sqaron se ajo synon që pacienti me të njëjtën sasi parash të mund të blejnë më shumë barna.