Modriç doli para tenistit serb Novak Djokoviç dhe para tenistes rumune Simona Halep. Mesfushori i Kroacisë dhe Real Madridit, Luka Modriç është cilësuar si sportivi më i mirë në Ballkan për këtë vit.
Modriç e fitoi Ligën e Kampionëve me Real Madridin dhe udhëhoqi Kroacinë për në finale të Botërorit në korrik, ku mesfushori u votua si lojtari më i mirë i turneut.
Ai po ashtu ka fituar Topin e Artë për herë të parë në fillim të dhjetorit.
Numri 1 në botë në tenis, Novak Djokoviç ishte i dyti në listë dhe numri 1 i tenisit nga femrat, Simona Halep ishte e treta nga Rumania.
Djokoviç ka rritur titujt në 14 Gram Slama, derisa ka fituar Wimbledonin dhe U.S. Open këtë vit, kurse Halep fitoi French Open, që ishte titulli i parë në një Grand Slam.
Anketa organizohet çdo vit nga agjencia bullgare e lajmeve dshe përfshin agjencitë e lajmeve nga Shqipëria, Bosnja Hercegovina, Kroacia, Greqia, Maqedonia, Mali i Zi, Rumania, Serbia dhe Turqia. Kosova ende nuk ka marrë pjesë në këtë anketë.
v.l/ Dita