Qytetet italiane do të bëhen më të gjelbra, falë ligjit që ka hyrë në fuqi në 16 shkurt. Kështu, sipas ligjit të njohur vite më parë si nisma Cosiga-Andreoti, komunat me mbi 15 mijë banorë janë të detyruara të mbjellin një pemë për çdo fëmijë që lind apo adoptohet. Nisma që synon të shtojë hapësirat e gjelbra në qytetet e mëdha në fakt ekziston prej 20 vjetësh. Ajo është paraqitur për herë të parë në 29 janar të vitit 1992 dhe synonte të përfshinte të gjitha komunat e Italisë. Për kësaj radhe, asaj i janë bërë disa modifikime, nëpërmjet të cilave synohet zbatimi i tij në masën më të gjerë. Pavarësisht numrit të ulët të lindjeve në Itali, ligji synon të luftojë zvogëlimin e hapësirave të gjelbra në qytetet e mëdha.