Një automjet ka goditur një këmbësore mëngjesin e sotëm, duke i shkaktuar asaj vdekjen e menjëhershme. Ngjarja ka ndodhur te Rruga e Kavajës, pranë ish-parkut të autobusëve, në kryeqytet.
Mësohet se një vajzë rreth të tridhjetave ka qenë duke kaluar rrugën kur është goditur nga një automjet. Goditja ka qenë fatale dhe vajza ka gjetur vdekjen në vendngjarje.
Sipas dëshmitarëve, drejtuesi i mjetit është larguar menjëherë nga vendi i aksidentit. Policia ka nisur verifikimet, ndërsa nuk bën të ditur identitetin e viktimës.