Letër e nënshkruar
Hysen Shehu
Unë jam nga qyteti i Memaliaj. Por kam qenë emigrant dhe tani kam 4 muaj që jam kthyer me gjithë familje në shtëpi në Memaliaj, dhe më kishin hequr dritat, vajta në Tepelenë se atje kemi qendrën ose zyrat e KESH-it për të lidhur dritat se i kishin hequr. Që të paguaja aq sa detyrim i kisha KESH-it që të më lidhnin drita, por mora një përgjigje nga punonjësi i KESH-it që quhet Agim dhe më tha që nuk ke emrin në kompjuter dhe i thashë:
“Po unë e kam kontratën e mëparshme dhe ç’lidhje kam që nuk e keni futur emrin tim në kompjuter, unë nuk ruaj çfarë bëni me punën tuaj, kjo është puna juaj, nuk është punë e qytetarve.” Ai më tha që nuk i lidhim dot dritat, dhe unë kam 4 muaj që rri pa drita dhe ndez qiri në darkë që rri te shtepia ime me gjithë familje. TAMAM SI NË MESJETË dhe kam vajtur shumë herë dhe më gënjejnë, më thanë të bëja një kërkesë që nuk kam drita dhe kur vete që pyes në Tepelenë, ata punonjësit e KESH-it më thonë që nuk ka ardhur përgjigja. Prandaj unë dua të gjej mbështetjen te gazeta juaj që të më ndimojë për këtë problem.
Ka dhe budallallëqe të tjera me punonjësit e KESH-it në Memaliaj që e kanë bërë pronën e tyre sikur e kanë pronën e babait. Ka qytetarë që kanë lidhur dritat, por nuk ju japin librezën e dritave për arsye që qytetarëve t’ju marin lekët. Vetë faturuesja, ajo që shikon sahatët ose i merr lekët vetë dhe i fut në xhepin e saj, ose i ndan me punonjësit e elektrikut. Po nuk janë pak familje, por janë shumë, prandaj kjo Qeveri të vërë pikën mbi i që të ndihmojë qytetarët.