PD kallëzon në SPAK 5 mbështetësit e Berishës për përdorimin e vulës dhe simboleve

Deputetët Belind Këlliçi, Edmond Spaho, Albana Vokshi, si dhe Ivi Kaso, Ervin Minarolli janë kallëzuar në Prokurorinë e Posaçme Kundër Korrupsionit dhe Krimit të Organizuar nga Partia Demokratike.

Mësohet se të kallëzuarit akuzohen se kanë falsifikuar vulën e Partisë Demokratike e simbole të tjera zyrtare të selisë blu pasi janë bërë pjesë e lëvizjes s ëish-kryeministrit Sali Berisha, i cili mbajti edhe Kuvendin Kombëtar të Partisë Demokratike në stadiumin “Air Albania” më 11 dhjetor.

Sipas Sekretarit të Përgjithshëm të Partisë Demokratike, Gazment Bardhi, i cili ka qenë edhe personi që ka dorëzuar padinë në SPAK, deputetët akuzohen për veprën penale të “Falsifikimi i vulave, i stampave ose i formularëve” i kryer në bashkëpunim, parashikuar nga Neni 190 paragrafi i 2 dhe 25 i Kodit Penal.

Në kallëzim drejtuar SPAK-ut thuhet se këta janë përsona që kane patur funksione në PD, kanë dijeni për rregullat e statutit, dhe e kanë kryer veprën penale të përdorimit të vulës dhe simboleve për të realizuar qëllimet e tyre, pavarësisht se ishin në dijeni të pasojave ligjore.

“Këta janë përsona që kane patur funksione në PD, kanë dijeni për rregullat e statutit, dhe e kanë kryer veprën penale të përdorimit të vulës dhe simboleve për të realizuar qëllimet e tyre, pavarësisht se ishin në dijeni të pasojave ligjore”, thuhet në kallëzimin e SPAK të PD.

Logoja e PD-së ishte kudo e vendosur në ‘Air Albania’ aty dhe ku u mbaj Kuvendi i 11 dhjetorit të Sali Berishës, që nga podiumi ku ishin vendosur folësit, flamujt që valëviteshin në tribunë, fletët e votimit e deri tek shajet që iu dhuruan delegatëve për shkak të temperaturave të ulëta. Megjithatë, në Kuvend u miratua një “logo” e re, e “modelit të vjetër”.

Berisha riktheu logon e vjetër të demokratëve, duke ndryshuar llojin e shkrimit, ngjyrë blu të theksuar, vizat e ndara te shkronja “D”.

Kjo bëri që PD-ja zyrtare t’i akuzojë “për falsifikim të vulave,  stampave ose i formularëve kryer në bashkëpunim”.

j.l./ dita