Menaxheri i Manchester Cityt, Manuel Pellegrini, thotë se ata do të udhëtojnë në Liverpool për të nxjerrë pikët maksimale.
Edhe pse edhe një barazim një takimin e të shtunës do të ishte i mjaftueshëm që City të jetë në avantazh në garën për titullin e Ligës Premier, Pellegrini thotë se synimi i vetëm është të fitojë.
“Ndoshta jam gabim, por gjithmonë mendoj në të njëjtën mënyrë si menaxher – nëse luani për barazim ju do të humbni”.
“Ne do të shkojmë të luajmë për fitore. Sigurisht, pas ndeshjes nëse nuk do të mund të fitojmë dhe arrijmë të barazojmë, do të jetë një rezultat i mirë sërish”.
“Por ne nuk do të shkojmë të luajmë kundër Liverpoolit duke menduar se duhet të barazojmë. Ne nuk dimë të luajmë në këtë mënyrë”, ka thënë Pellegrini.