Profesori i PS-së, Servet Pëllumbi, komenton vendimin për 21 janarin. Në një intervistë për “Panoramën”, Pëllumbi thotë se Gjykata e Tiranës, duke nxjerrë të pafajshëm gardistët, vërtetoi krimin shtetëror të 21 janarit 2011, mbrojti atë që dha urdhër për të qëlluar mbi demonstruesit e paarmatosur. Shqiptarët pas 7 shkurtit 2013 e kanë më të lehtë të tregojnë atë, kryeministrin Sali Berisha me gishtin e duhur.
Ndërsa në lidhje me reagimin pas deklaratës së SHBA-së, Pëllumbi shprehet se Berisha tregoi paburrëri. “Paburrëria e një autokrati që do të mbijetojë në pushtet, duke u ‘treguar vendin’ të gjithëve: NATO-s, SHBA-ve dhe BE-së, duke u shtirur se paska në dorë stabilitetin e Shqipërisë dhe të krejt Ballkanit”.